Green Light Cisco-ның Таяу Шығыс, Африка және Орта Азия аймағындағы жылдың серіктесі атанды

Орталық Азиядан шыққан Green Light компаниясы аймақтың цифрлық трансформациясына қосқан үлесі үшін халықаралық мойындауға ие болды.

Green Light компаниясы Таяу Шығыс, Африка және Орталық Азия (MEA) аймағында шағын, орта бизнес және корпоративтік нарық сегментінде Cisco-ның жылдың серіктесі деп танылды.

Шешім 3–5 қарашада Сан-Диегода (АҚШ) өткен жыл сайынғы Cisco Partner Summit 2025 салтанатты рәсімінде жарияланды.

Бұл беделді марапат Cisco-ның цифрлық экожүйесін дамытуда көрнекті нәтижелер, инновациялық және көшбасшылық танытқан компанияларға беріледі.

Green Light-тың жеңісі компанияның бизнестің цифрлық трансформациясын жеделдетуге және Орталық Азия елдерінің технологиялық кемелденуін арттыруға қосқан үлесін мойындау болды. Бүгінде аймақ мемлекеттері IT-инфрақұрылымды, киберқауіпсіздікті және жергілікті құзыреттерді дамытуға ерекше көңіл бөлуде. Green Light халықаралық сараптаманы және жергілікті ұйымдардың қажеттіліктерін терең түсінуді біріктіре отырып, бұл процесті белсенді қолдайды.

«Біз үшін бұл марапат - үлкен құрмет және командамыздың кәсібилігінің дәлелі. Орталық Азияны халықаралық Cisco қоғамдастығында таныстыратынымызды мақтан тұтамыз. Бұл мойындау бізді аймақтың цифрлық экожүйесін одан әрі дамытуға шабыттандырады», - деп атап өтті Green Light бас директоры Иван Карманов.

Марапат Green Light-тың жолын - Қырғызстандағы жергілікті көшбасшыдан Қазақстан мен Өзбекстанда жұмыс істейтін күшті аймақтық интеграторға дейінгі жолын көрсетеді.

Бұған дейін компания Кишинёвте (Молдова) өткен аймақтық саммитте Cisco тарапынан Best Partner of Kyrgyzstan ретінде атап өтілген болатын.