Kyrgyz-Швейцария Банкы ААК Кыргызстанда швейцариялык капиталга ээ болгон биринчи жана жалгыз банк болуп саналат. Банк ар тараптуу кызматтарды сунуштайт: насыялар, төлөм карталары, депозиттер, онлайн-банкинг жана акча каражаттарын кабыл алуу жана эсептешүү кызматтары.

Сервердик инфраструктуранын эскирген ыкмасынан улам кардарларды тейлөө аймактарында узун кезектер пайда болуп, «IT» адистери системаларды калыбына келтирүүгө көп убакыт коротуп жатышты. Негизги максат – кардарларды тейлөө системасынын ишенимдүүлүгүн жогорулатуу, ошондой эле маалыматтардын резервдик көчүрмөлөрүн коопсуз сактоону уюштуруу жана камсыз кылуу болчу.

Бул тапшырмалардын баарын аткаруу үчүн банк Green Light'ди системалык интегратор катары тандады. VMware (Dell Technologies компаниясынын бөлүмү) менен өнөктөштүктө толук кандуу маалымат борборун куруу, эки Dell EMC PowerEdge серверин жана Dell EMC PowerVault маалымат сактоо системасын орнотуу Швейцариялык банкка кардарларга кызмат көрсөтүүнү олуттуу өзгөртүүгө жана жаңы кызматтарды сунуштоого мүмкүндүк берди.

Банктын адистери IT'ди башкарууну жөнөкөйлөштүрүп, чыгымдарды кыскартып, коопсуздукту жакшыртты. Банк VMware'ден Site Recovery Manager орнотууну жана виртуалдык серверлердин санын эки эсе көбөйтүүнү пландап жатат.