РСК Банкта IP-телефонияны киргизүү жана контакт-борборду ишке киргизүү
Биргелешип иштөөнүн комплекстүү тутуму: Cisco CUCM IP-телефониясы, Cisco Meeting Server видеоконференцбайланышы, Cisco Jabber корпоративдик мессенджери, Cisco Unified CCX контакт-борбору.
Банкта эски АТС өз мөөнөтүн өтөп бүткөн - байланышта туруктуу үзгүлтүктөр башталган. Кардарлар бир номерге чалып, башкасына туташып калышчу, же линиялар дайыма бош эмес болчу. Мындан тышкары, банк телефон номерлеринин санынын чегине жеткен, ал эми видеоконференцбайланыш тутуму жок болгондуктан аймактык филиалдардын адистерин Бишкекке дайыма чакырууга туура келчү.
Green Light компаниясы өз сунушуна пайдалуу баалар менен катар кызматкерлерди бул тутумду администрлөөгө жана башкарууга үйрөтүүнү да киргизген.
Банктын башкы офисинде жана Чүй облусундагы филиалдарында 350дөн ашык Cisco IP-телефону орнотулду. Номер пулун 1 000 линияга чейин кеңейтүүгө жетишилди. Байланыштын сапаты жакшырды, офистердеги кабелдердин саны кыскарды.
Cisco Meeting Server видеоконференцбайланыш тутумун ишке киргизүү банк кызматкерлеринин иш сапарларына кетүүчү чыгымдарды үнөмдөөгө мүмкүндүк берди: эми жол киреге, кызматкерлерди жайгаштырууга, иш сапар чыгымдарына каражат жумшоонун кажети жок. Видеоконференцбайланыш аймактардагы кесиптештер менен жолугушууларды «учуп бара жатып» өткөрүүгө мүмкүндүк берет.
Green Light адистери долбоорлорду сапаттуу жана өз убагында аткарышат. Мындан тышкары, компания өнөктөштөр үчүн ар кандай окуу иш-чараларын - семинарларды, вебинарларды, квалификацияны жогорулатуу курстарын - туруктуу өткөрүп турат. Green Lightта суроолор иш жүргүзүлгөн долбоорлорго тиешелүү болбосо да, ар дайым жардам берүүгө даяр.
Максим Некрасов
ИТ башкармалыгынын башчысы, «РСК Банк» ААК